Festa da Centola no Grove

Meus queridos Larpeiros de Laias: Lembrade que o sábado 3 de decembro, temos saída cultural ó Grove para afondar na cultura gastronómica das Rías Baixas. Degustaremos a moi preciada carne de crustáceo decápodo mariño, braquiuro, de caparazón case redondo cuberto de pelos e tubérculos ganchudos, e con cinco pares de patas longas e peludas que vive entre pedras. Maiormente coñécese co nome de Centolo. Tamén disporemos de peixe e/ou bitela ó gusto. Nesta ocasión iremos acompañados das nosas Donas ou de quen os Larpeiros decidan. Agardamos novas do Larpeiro Puga referentes o nome do restaurante, prezo estimado por comensal, posibles peixes a comer...